東網電視
更多新聞短片
唔通伍姑娘同老公喺三亞撐唔夠枱腳，所以返到香港要再撐。
1/6
藝人陳敏之錄影無綫節目《Sunday好戲王》，談到好友伍詠薇（伍姑娘）早前與老公練海棠去旅行，卻被指各行各路返屋企及帶女助手同行。敏之對此解釋只是照片的角度問題，又謂大家太敏感，她說：「佢去旅行（我哋）都有聯絡，佢同我講天氣好好，啲野好食。」至於助手同行，她指是因為伍姑娘的助手生日，齊齊慶祝之餘亦順道慰勞對方。
至於可有相約伍姑娘吃飯？她說：「係要食嘅，好耐冇見，7月聚會吓！」又爆料指明日便結婚17周年的伍姑娘，今晚會同老公撐枱腳慶祝。再問好友與老公是否雨過天晴？她指沒有過問，但謂只要伍姑娘開心便會安心。
讚伍姑娘叻叻
被問有否覺得伍姑娘處理老公密會巨胸女的新聞處理得好叻？她說：「佢係好叻，我都處理唔到，一直都有請教佢夫妻之道，呢件事佢處理得好好，作為朋友唔需要問細節！」
自從伍姑娘老公捲入偷食風波後，作為女方好友嘅陳敏之，都係選擇少畀意見。
陳敏之塊面好似圓咗少少，唔通又係角度問題。
不過佢今次有幫伍姑娘澄清，話佢哋帶埋女助手同行係為咗慰勞對方。
因為呢個節目，陳敏之同森美感情勁好。
呢個朋友真係唔話得。
