黃子華及陳法拉演出的舞台劇《前度》，共演出35場，今晚在演藝學院舉行頭場，全院滿座，吸引不少藝人到場睇騷，包括古巨基與太太Lorraine、楊怡與老公羅仲謙、胡定欣、馬浚偉、陳爽、阮兆祥、宋熙年及高海寧等，至於鍾楚紅、張敬軒、蘇永康等則送花籃祝賀。

對白連環爆粗

舞台劇開騷後，有十多位未能買飛入場的Fans在劇院外「聽聲」，而舞台劇的對白相當大膽有不少粗口，三位主角都先後爆粗，子華狂爆「X街」又說：「問完你之後就唔X理你！」法拉則大爆「Shxt」，新人劉俊謙跟法拉說：「我好X想你幫我手」、「我老竇係X街」。

子華今次可說放下男神形象，頭半場對白絕對是粗口滿天飛！至於子華及法拉劇中有擁抱戲，並以暗場交代發生了關係，更有一幕法拉只包了毛巾扮沖完涼，相當香艷。