李佳芯冇同黃子恆拍拖：唔敢再約佢食飯

藝人李佳芯於銅鑼灣出席商場活動，獻唱的她謂緊張，因忙於拍劇未有上唱歌班且疏於練習。

搣唔甩「狐狸精」戲路

談到擔任《區區開伙》嘉賓，被主持人安德尊及李錦聯稱為「邪花」，她笑指無奈，望新劇推出可以令她洗去「無綫新一代狐狸精」之名，又安慰自己無綫為她開創了另一條路!將播放的新劇《巨輪II》及《律政強人》亦有她的演出，她笑指：「《巨輪II》都有少少踩界，做疑似第三者嘅角色。」

自爆冧男仔表演魔術

談到同場有魔術師甄澤權，她被問是否喜歡魔術？她說:「我鍾意有驚喜，唔好事前同我講會點做點做。（男仔識會加分？）絕對會，不過只限於朋友，男朋友就唔好啦，因為好受女仔歡迎!」

唔敢約食飯黃子恆

有指她曾與裕美鬧出婚外情的黃子恆拍拖半年，她否認並說：「冇啦，梗係唔係，同佢有一次喺西貢食飯，佢車我返屋企。佢拍劇經驗多啲，嗰次叫做分享吓經驗，點知就畀人影咗，後來佢就爆單嘢出嚟，件事就愈作愈大，話我哋拍拖半年又同居。」她又直認之後已不敢約對方食飯。