東網電視
更多新聞短片

張栢芝呢位前新抱真係識做,竟然親自畫畫送畀謝賢,係人收到都甜入心啦!
1/21
7月30日是謝賢(四哥)80歲大壽,兒子謝霆鋒及女兒謝婷婷更為他搞了個生日飯局,一對孫仔Lucas、Quintus更送上媽咪張栢芝親手畫的畫作做禮物,逗得四哥開心不已!生日飯翌日,四哥便為王晶新劇《賭城群英會》開工,同劇的佘詩曼特別送上巨型生日蛋糕,氹得四哥笑逐顏開。
以為阿佘係男人
談到首次跟阿佘合作,四哥感覺超開心,但原來他完全不認識阿佘:「真係第一次同佢合作,一開始話係佘詩曼,我話邊鬼個佘詩曼,男人嚟㗎?原來係靚女嚟,好開心,後生仔(指住馬國明)又係好嘢嚟,淨係記對白,都提咗我無數次。」而送上蛋糕的阿佘,則笑着勁嗲四哥謂:「知道同你開工吖嘛!」四哥續說:「同佢拍真係開心到不得了,好有演技,但今次唔係做我條女幾失望,哈哈!」馬國明聞言即搶着說:「益吓我啦!」
心痛霆鋒太頻撲
問到80大壽為何不大搞?四哥說:「80大壽好咩?我都睇佢唔起!90呀、800呀,咁先係㗎嘛!其實冇所謂,同埋我真係驚得罪人,所以唔搞,請漏咗會得罪人,有乜所謂吖!」
霆鋒近年雖然相當忙碌,但仍特地趕回港為父親慶祝大壽,十分有孝心,四哥對此說:「佢真係忙到不得了,忙到我心都痛埋。(事前知佢會趕返嚟?)佢預咗嘅,因為佢真係一年裏面冇咩停過,每日喎!好少時間留喺香港,我都唔記得自己有個仔!(唔叫佢停吓陪多啲你?)搵銀,佢要養我呀,唔搵多啲邊夠我使?!」

仲有兩大至錫孫仔Lucas(左)同Quintus親手送上大禮,謝賢呢個生日真係大豐收呀!

而佢同阿佘都好多對手戲吓。

謝賢仲係好貪玩吓。

阿佘嗲聲嗲氣送上蛋糕,係人都冧啦!

睇吓佢哋嘅交流!冧到哩!

成日講笑嘅謝賢,笑言八十歲大壽唔特別,要八百歲先特別喎,笑咗。

謝賢心痛霆鋒忙到一個點。(資料圖片)

雖然已經八十歲,但謝賢依然精力充沛。

成班演員似乎係慰問緊謝賢早前撞車後嘅傷勢。

佘詩曼(左起)、謝賢、謝雪心、馬國明

阿佘仲要賣埋口乖,難怪謝賢對佢讚不絕口。

咁多好戲之人合作,相信套劇出嚟一定好正。

馬國明同佘詩曼又再合作喇。

謝婷婷一早就為爹哋八十歲生日做準備,好孝順。(資料圖片)

拍戲時除咗全情投入,仲好搏吓。

謝賢大讚馬國明,仲話馬明成日提佢對白添。

謝賢同仔女孫仔食完生日飯,翌日又獲同劇演員送上蛋糕慶祝。

謝賢仲話最衰阿佘喺戲入面唔係做佢女朋友。

謝賢對阿佘嘅演技都讚不絕口。

阿佘咁多年都Keep得咁好。