李日昇憑《城寨》上位　網民齊撐

無綫熱播劇集《城寨英雄》下禮拜日（28日）大結局，故事劇情愈嚟愈緊張，尤其尋晚個場爆炸戲，搞喊唔少觀眾！呢套劇有好多人都死咗，今次又輪到邊個死咁催淚呢？原來係小智（李日昇飾）！佢為咗去救被綁起嘅段折韁（何啟南飾），而慘被活生生炸死，搞到好多網民紛紛喺網上議討論：「點解好人永遠要死？」、「好人係死快啲」，又大讚小智演技好，係一塊有實力嘅綠葉。<br/><br/>童星出身<br/><br/>其實《城》呢套劇捧紅咗唔少配角，之前有林穎彤飾演被姦至死嘅鑫鑫，今次到飾演弱能人士嘅小智──李日昇。現年24歲嘅李日昇，原來係童星出身，6歲入行，至今已經有18年演戲經驗，拍過超過80套電視劇及15部電影，係著名導演杜琪峯常用嘅童星，曾飾演《黑社會2之以和為貴》中任達華個仔，亦做過無綫經典劇《溏心風暴之家好月圓》林峯少年版。<br/><br/>網民睇好李日昇<br/><br/>除了《城寨英雄》，李日昇喺《超能老豆》第二集亦都有出演過Hip Hop男，不過「二打六」角色未必可以立刻引起注目，反而飾演弱能人士令觀眾印象十分深刻，小智經常以「強者係為咗保護弱者而存在」為做人宗旨，佢嘅真誠同正義感打動唔少觀眾。而呢個角色更加令網民諗起經典電影《賭神》周潤發扮傻仔「朱古力」，仲話希望有一日佢真係可以成為第二個周潤發添，相當睇好呢位大好青年！繼續努力呀！<br/><br/>網民有話兒<br/>Vxxxen Chxxx：亦是—塊有實力的綠葉 雖是小小角色 也能發光發亮<br/>Lxx xxe：繼續努力，不可驕傲，希望有一日你是第二個周潤發。<br/>Caxxxe xxang 搞錯呀，個個好人都要死<br/>Fuxxxn Li：小智88（拜拜） 了<br/>吳XX：這劇第一個吸引我看下去的角色就是這個演員的演出，很細心，如他本人説着重眼神方面去表達，就是他，我就跟家人說他演得好好喎，之後才一直看下去。後來看到鑫鑫對父親的孝心，白粉爸爸（白粉爸爸是真正演員）李嘉竟然懂功夫的人做大咖奸角色如此做得專業出色，一開始此戲所有side cut角色的出色才把我引進投入這戲。（利申：本人沒有電視機近年也不追電視的人，一直用手機追此劇）