東網電視
更多新聞短片
本身諗住一丁友睇吓band騷，點知冇端端有人放閃，喊出嚟。
1/9
樂隊Dear Jane的一連兩場的演唱會於九展Star Hall舉行，吸引組合Super Girls成員Yanny、許廷鏗、新一代文青女神袁澧林捧場，主音Tim的老婆楊洛婷更舉牌支持。Dear Jane邀得嘉賓吳業坤及自封新樂隊Dear John的衛蘭、衛詩、連詩雅及新人Jude（曾若華）任嘉賓，楊洛婷更送上鮮花給老公兼咀嘴。
四子唱第二首歌時，全場三千歌迷齊齊起身，期間Tim大叫好熱，有歌迷大叫「除衫」！首位嘉賓坤坤出場時，掀起一陣高潮，一身懷舊Rock友打扮的坤坤與Dear Jane合唱Rock版《原來他不夠愛我》及《陽光點的歌》，Tim取笑坤坤說：「佢用咗8分鐘綵排。」抵死的坤坤大講有味笑話說：「我出名快。」Dear Jane笑指坤坤的Rock Look似1984年代，接住Tim爆料說：「上年送咗首歌畀老婆，佢今次有問我會唔會送歌畀佢，我話冇。」隨即戴上黑超扮楊洛婷偶像郭富城唱《狂野之城》，並邊唱邊趷籮，氹得老婆勁high，Tim最後高呼：「老婆，I Love You。」
Tim冇力造人
Dear Jane接受訪問，對於成功冧爆老婆楊洛婷，Tim說：「我係特登揀郭富城嘅歌，之前有去睇城城演唱會，順便偷師，不過係有限舞步。」提到坤坤經典Rock Look，四子說：「佢係有畀啲衫我哋睇，但遲咗30年，不過佢咁着令佢上台有信心係好嘅。」至於有指同公司的周柏豪因不續約而遭雪藏，四子坦言不知情：「我哋有個Group，佢都有傾偈。（佢唔續約公司資源可以放多啲畀你哋？）公司係公平，已經對我哋好好。」一直努力造人的Tim笑言近日「精力」全放在演唱會上，在後台與老婆合照時又放閃光彈咀嘴，並投訴老婆說：「我每晚入房佢都熄晒燈，不過我真係好攰冇晒力。」楊洛婷即拍拍老公心口。
Dear Jane開始一連兩場的演唱會。
都扮得幾似。
當眾錫錫勁閃。
吳業坤呢個look...
仲喺台上玩自拍。
Tim老婆楊洛婷真係冧到爆。
Tim扮城城冧老婆。
Dear Jane獲自封新樂隊Dear John的衛蘭、衛詩、連詩雅及新人Jade任嘉賓。
