封「麥太」係好典範　吳君如助女兒圓夢

藝人吳君如為本地製作的卡通片電影《麥兜．飯寶奇兵》聲演麥太，該片將於9月15日中秋節上映，麥兜除了陪伴港人成長，也陪着君如「經歷人生大事」～女兒的出生。

君如從第一套麥兜電影就開始聲演麥太一角，問對「麥太」的感覺？她說：「麥太唔係讀好多書，冇背景亦唔富有，但佢係一個好好嘅典範，畀觀眾知道佢係點樣去愛自己嘅兒子。」

而戲中有好多令她感動的場面：「有一場戲，麥太要教麥兜講『星星、手手、媽媽』，好似回到以前教小朋友認字嘅情景，有好多回憶出現。」由於工作人員希望君如能演繹到麥太年輕的感覺，為此她花了不少時間去嘗試，是配這部電影戲其中一個挑戰。

戲中麥兜的夢想是成為發明家，保衛地球，但被人視為傻事，問君如假如女兒都有一個別人認為是傻的夢想，她又會否支持？她說：「我覺得小朋友有夢想係一件好事，唔好認為佢哋係傻，我都希望個女有夢想，我一定會支持佢，幫佢實現。」