JC翻唱《好心分手》　網友勁Like！

天王黎明旗下嘅「新J女郎」JC之前嘅新歌《說散就散》MV，只聞其聲不見其樣，引起唔少網友關注。

今日，JC終於再有新歌發布喇！今次JC翻唱盧巧音嘅《好心分手》，JC仲將個MV放上網，等網友聽到夠本！個MV上載咗五個鐘左右，已經超過2萬3千瀏覽量。個MV一出，網友個個爭住畀Like，仲讚佢唱得好好，有啲網友仲留言話要點歌添！

黎明上次喺澳門開騷，JC就以工人褲襯白色Tee，仲要笠多頂帽現身。今次呢個MV，JC一直都係以側面同大見面，臨尾先可以見到佢嘅正面！有網友話上次做嘉賓呢係呢個Look，今次MV又係呢個Look，話佢夠晒環保咁話！