【突發】「明福俠」宣布離開黎明

天王黎明與時並進，不時以「明福俠」身份喺社交網站同網友互動，又會透露近況和宣布有關工作事宜。「明福俠」嘅出現一直深得各界認同，非常深入民心！「明福俠」對上一次亮相係8月22日，當時佢表態撐歌神許冠傑開騷！

事隔多日，啱啱「明福俠」又喺facebook現身！點知「明福俠」今次竟然話：「不能永久寄存在Leon page！明福！將會離開，倒數最後三次出現！」「明福俠」另外仲拍埋片，喺片入面佢話：「正所謂一Book不能藏Two Face，我明福俠將會離開Leon！」嘩！「明福俠」搞咩要離開呀？唔通「明福俠」自此會消失？

「明福俠」仲即席唱黎明入門弟子JC（陳詠桐）嘅歌曲《說散就散》：「抱一抱...再好好覺悟不能長久...好不好...有虧欠我們都別追究...」嘩？真係憑歌寄意要同大家告別？唱完《說散就散》，「明福俠」就話：「喺跟住嘅日子裏面，三次之後我就會離開，Bye Bye Leon！」「明福俠」現身多三次之後就會消失？定呢次已經係最後三次嘅其中一次？？？不過點都好，其實粉絲都好唔捨得明福俠㗎，Leon同明福俠真係要三思呀！