季軍鍾君揚願棄教鞭闖娛圈：要把握機會

鍾君揚（Freeyon）奪得港男季軍，他賽後接受傳媒訪問時，被問到會否覺得自己爆冷入三甲，他就指自己其實沒有想太多：「淨係想個騷好，想做好自己嗰Part，同兄弟、港姐合作做好個騷，因為咁大個都未試過做一個咁大型嘅騷。（贏唔到冠軍有冇失望？）冇，能夠入到四強，已經好開心，知到拎埋獎就更開心。」

任職中學教師的他，被問到之後是否做全職藝人，他就指要等無綫安排：「如果公司有嘢畀我做，我都會返嚟呢度。（想做藝人？）參賽之前我都喺度諗，大個啲都可以做老師，但喺（娛樂圈）呢方面發展就要把握機會，唔可以等。（覺得自己輸啲咩？）我都唔諗咁多，可能其他人更加優勝啦，可能我一分鐘（演講）裏面想講嘅嘢多咗少少，可能急咗啲，有少少緊張咗。」