東網電視
更多新聞短片
今次伍允龍真係光宗耀祖，爸爸媽媽梗係要飛到多倫多支持啦。
1/6
武打演員伍允龍（Philip）突然宣布自己Big day！咁驚？唔好誤會，其實係佢擔正嘅西片《龍之誕生》（Birth of the Dragon）喺多倫多國際電影節（TIFF）舉行首映禮，伍允龍喺片中飾演已故武打巨星李小龍，佢嘅表現更被《龍》片導演大讚係「翻生李小龍」。尋日伍允龍已經飛去多倫多，仲喺機場留影，孭住背囊加埋戴眼鏡嘅佢，真係好Pure。
而凌晨時份，Philip更新社交網，原來佢爸爸媽媽都有一齊去，Philip留言：「有媽媽爸爸一齊一定開心！Very proud to have my parents join me on my big day！」伍允龍爸爸伍紹華其實大有來頭，佢係伍家國術會嘅創立人，喺芝加哥好有名，唔知係咪練武練得多，見伍爸爸個樣都幾後生，而伍媽媽就一把長直髮，同伍爸爸好有夫妻相，不過睇真啲，伍父同Philip都幾似樣，特別係條眉，簡直係COPY一樣！
伍允龍嘅朋友都有去，真係好似結婚咁樣呀！
首映開始喇，伍允龍自拍盛況。
戴眼鏡嘅伍允龍好Pure。
伍允龍擔正的西片《龍之誕生》。
伍父伍母好後生，伍允龍似爸爸多啲。
