東網電視
更多新聞短片
唔知肥仔聰做導演會係點嘅呢？
1/3
林子聰當年憑「少林足球」六師弟角色走紅，最近他自編自導自演一套同樣以足球為題材的新戲──「笑林足球」，難免被指有抽周星馳水之嫌，對此肥仔聰接受有線「電影蒙太奇」節目訪問時，強調新戲劇本早於10年前已完成，只是經過兩次胎死腹中才開拍得成，可謂「坎坷過後有艇搭」。
「我演變態佬都得㗎」
肥仔聰希望藉新戲勉勵年青人不要被利慾薰心，他並以過來人身分分享：「好似當年『少林足球』後，我畀人捧到飄飄然，直到有晚突然醒覺名利係虛幻嘅，做人都係腳踏實地好啲！」肥仔聰雖予人搞笑形象，但說話間卻沒半個笑點，他解釋：「搞笑形象係觀眾畀嘅，其實我演變態佬都得㗎！」
寫恐怖片多
說到編導演三個工作崗位較喜歡哪個？他肯定地說：「導演！我本身係編劇出身，做演員只係一個意外，依家就最鍾意做導演，如果可以拍得晒我電腦裏面嘅劇本，咁就最開心啦！」肥仔聰數數手指，已撰寫的劇本中竟以恐怖片居多，笑片只有1，2部。
做導演受周星馳啟發？
被問到喜歡上做導演是否受周星馳啟發？肥仔聰否認道：「其實都係機緣嚟嘅，不過同過星爺合作嘅人都知道，係佢身上嘅獲益良多並唔係錢可以買到嘅，如果話我新戲係模仿星爺，我只能夠話，如果模仿到就好囉，哈哈！」
寫咗好多恐怖片，真係要拍好喎。
佢個Look都有似似地導演。
