【驚傳42歲】李漫芬拒透露真實年齡

曾自嘲冇靚樣嘅無綫娛樂新聞主播李漫芬（Fanny），自宣布結婚喜訊後成為城中熱話，除咗惹起網民熱討，仲有唔少藝人紛紛送祝福。

Fanny接受《東網》訪問，表示近日跟了男友去外地旅行，男友則趁回港前一晚在酒店房間給了她求婚驚喜，令她即場感觸落淚。問到整個求婚過程，Fanny只謂男友籌備了一段時間，並在房間向她求婚，她說：「詳情要得到男友同意先可以公開。」她又幸福地表示，中指上的心形石戒指很珍貴：「粒石係原粒心形石，男朋友話搵咗好耐，好難先搵到。我有問過佢係咪好貴？佢淨係答我都幾貴，不過就冇講幾錢。」

她又謂已開始籌備婚禮，並已找玄學家計算良辰吉日，目前暫定下年才舉行婚禮。雖然根據網上資料，李漫芬現年32歲，不過有消息指，她現年其實已經42歲，又謂她跟未婚夫是姊弟戀，不過當《東網》向Fanny求證真實年齡時，她只笑言：「幾多歲唔重要，最緊要登對。」