阮兆輝吳美英推廣粵劇支持「梨園之最」

粵劇名伶阮兆輝、吳美英等出席《戲曲天地－梨園之最》啟動禮，首次舉辦的「梨園之最」，將嘉許表現優秀的粵劇工作者，二人表示非常支持，因為可以推廣粵劇，而他們看到現場有粵劇界的新血及小朋友，認為是好事，可以將粵劇薪火相傳。<br/><br/>問有何秘訣傳授給新血？兩人表示沒有秘訣，只有勉勵的說話，吳美英指最重要勤力及有恒心：「要多鑽研，花時間去浸淫，跟完師傅學咗基本嘅嘢，再要自己消化，將自己嘅優點加落去。」阮兆輝亦指不相信有天材。<br/><br/>現時娛樂比以前多<br/><br/>至於可覺新一代的後輩較難做到？吳美英說：「冇話邊代嘅，睇吓你有冇心，依家有好多演出場地同機會，但唔好嘅就係太多機會，佢哋冇時間去鑽研，以前我哋係要等機會。」阮兆輝則認為是大環境的轉變，因現時的娛樂比以前多：「以前我哋起身之後，除咗瞓覺之外，都係學戲，一係睇人哋嘅戲，唔會覺得辛苦，因為已經習慣咗。」<br/><br/>而吳美英亦謂現時的智能手機隨時隨地可以接收到最新資訊和娛樂，以前連錄影、錄音器材都很缺乏，學戲要全靠死背：「我哋靠個腦去記，唔記得就冇，所以要死背。」阮兆輝大嘆：「科技進步，但藝術退步。」