囝囝尋日出世！胡諾言嗌三仔做老闆

藝人胡諾言（胡仔）太太陳琪2013年曾人工流產同出現子宮出血，當時醫生話佢懷孕機會唔高，點知今年中奇迹有咗，日前仲順利誕下三仔Jayden，加埋本身佢兩個已育有兩位囡囡芷苓同芷悠，如今一家五口認真幸福美滿！

再做爸爸嘅胡仔當然係好開心啦，今日佢喺ig話「多謝各位兄弟姊妹」，仲上載張跑緊步好興奮嘅相，話因為忙照顧太太同BB，所以未能及時回覆大家嘅祝福：「收到好多朋友祝福，因為要照顧太太及老細（闆），未能逐一回覆！請見諒！最後特別多謝愛錫我們一家所有媒體，雜誌，網上平台。。最後祝各位身體健康！」