東網電視
更多新聞短片
大家點睇先？
1/4
歌星李克勤晚上在將軍澳電視城為無綫遊戲節目《我愛香港》擔任錄影嘉賓，他笑說：「都好耐冇上遊戲節目，以前有段時間唔方便參加，不過已經過咗。玩得就唔會顧儀態，我都冇乜儀態，噚日連飲酒片段都放咗上社交網站，我老婆問我係咪傻咗，我話依家呢個世界冇乜所謂啦。」
曾經主持遊戲節目《殘酷一叮》的克勤透露無綫有斟洽他再主持《殘酷一叮》，他說：「我話好呀，如果可以搵番忠仔（指梁榮忠），又可以搵阿莫生（指莫凱謙）嚟唱歌都幾好玩。」克勤又形容TVB對他好像他的新歌《一個都不能少》，在他低潮時TVB幫了他很多，所以甚麼類型的合作也可以，但還未知是否落實，他覺得成事的話會是一集過。講到李克勤的新歌MV被讚，他說：「主要係讚啲演員啫，最開心係好多人喺網上唱，今日見JW都唱，原來好多人鍾意挑戰呢首歌，想挑戰下肺容量可唔可以唱到。」
克勤的座駕日前捱撞，他說：「冇嘢啦，冇乜損傷，唔使整，只係有少少傷痕，好似男人踼完波有少少傷痕，好平常啫。」講到克勤的愛隊曼聯輸波，克勤笑說：「唉，你都見我甫咗個喊樣就知我心情幾咁差，唔緊要嘅，喊完今朝咪一樣開工，工作繼續。」
李克勤現身遊戲節目《我愛香港》。
李克勤話想搵番當年拍檔忠仔一齊主持。
呢對黃金拍檔，有機會重出江湖！
