新片有男男咀　城城挑戰蒙眼飛車穿車底

天王郭富城（城城，Aaron）日前與新片《天亮之前》導演吳中天，接受有線娛樂新聞《電影蒙太奇》訪問。提到城城於戲中有親吻同性的場口，獻出第一次「男男之吻」，他表示為了拍出喜感就全情投入，故不會感到尷尬。而身旁的導演吳中天就表示：「本來第一次拍已收貨，唔使NG，誰不知監製指觀眾最希望見到城城同男士親吻嘅特寫，所以最後再補拍近鏡。」<br/><br/>為演賭徒專登學賭<br/><br/>在戲中飾演賭徒的城城，坦言為此專程到賭場學賭，他表示：「今次我需要表現賭徒喺賭枱上嘅各種情緒，仲有心理狀態、動作、賭博技巧等，係好大嘅挑戰。為求真實，我專程喺新加坡賭場學賭，我安排助手同其他工作人員不停賭，我從中觀察唔同人嘅神情，希望取得靈感。」吳中天表示相當欣賞城城的演出：「我唔希望呈現一個普通嘅賭徒，Aaron身上有一種特質，係一個唔怕輸嘅人，即使落魄潦倒，佢依然係一個風光過、見過大風大浪嘅人。」<br/><br/>拍飛車戲一Take過<br/><br/>城城又透露於戲中挑戰蒙眼飛車：「有一幕我要蒙眼高速飛車衝過貨櫃底，稍有差池，就好容易會釀成意外，好危險！慶幸最後一take過順利拍攝。」他稱拍攝前已睇過綵排片段，得悉工作人員已計算好距離位置及做足安全措施，故即使要拍攝危險戲分，亦對團隊有信心。