謝芊彤謝芊蕾水塘拍MV　遇好心司機

姊妹組合謝芊彤、謝芊蕾到電台宣傳新歌《八芭啦笨爸》，二人大談拍MV趣事：「嗰日重陽節我哋拖個篋去城門水塘拍，但原來勁多人去行山，好多人排隊搭車，我哋見對面有架小巴冇人搭，上網搵小巴站附近有啲草，所以就上咗小巴，但點知去到原來全部係山路，我哋拖住個篋行咗三、四個鐘，開始天黑，但行極未到，咁啱個架貨Van司機見到我哋，送咗我哋返港鐵站。」

問是否第一次在香港搭順風車？她們表示：「都係，不過其實一開始都有啲驚，不過好彩係好心司機。（點樣多謝番個司機？）如果司機見到呢篇新聞，我哋係好感謝你！」由於沒有唱片公司支持，二人拍MV要一腳踢，花了幾百元，都用來買道具，拍完片後由自己剪接：「拍同剪片加埋用咗兩個星期。」這次是她們首次構思及製作的MV。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon