嘉莉偷食福伯被麥咸美撞破靠心理戰解圍

「莉雅公主」嘉莉菲莎（Carrie Fisher）日前推出自傳《The Princess Diarist》大爆19歲當年與《星球大戰》（Star Wars：New Hope）拍檔、「漢蘇奴」夏里遜福（Harrison Ford）偷食3個月，仲話福伯床上功夫麻麻，點知原來「天行者」麥咸美（Mark Hamill）仲一度撞破！<br/><br/>自傳內提到，嘉莉有一次同福伯喺一個好罕有嘅時機偷食，去咗福伯住所過夜，以為唔會被人發現，點知麥咸美竟然冇講聲就出現：「好明顯我喺福伯屋企唔係為咗食個早午餐。於是我自己率先講笑話我同福伯訂咗婚，去避免麥咸美懷疑。用攤晒出嚟講嘅方法去守住秘密，用真相嚟講笑扮自嘲，呢個技巧我到依家都一直用緊。」成功以心理戰避過一劫，真係好厲害！不過嘉莉就唔願意透露太多福伯床上的細節，想留番喺自己心中。