【多病纏身】Hana多齒症又復發：冇得醫

歌手Hana出席飲食業安全活動，講到前幾日是她30歲生日，但就大呻冇得食蛋糕，因為自己被多病纏身，她表示剛從北京回來，在當地因發燒已要吊鹽水才能退燒，現時又有扁桃腺發炎，搞到面和頸都腫，但禍不單行的她最近「多齒症」又復發：「其實五、六年前生過，嗰陣生咗三隻牙，依家又嚟過，我依家上面啲牙肉腫哂，因為我開始生牙，佢生完一隻就會自己甩，會keep住生一年左右，但啲牙唔係普通牙，係好似殭屍牙，係一條條柱，不過真係會痛。（有冇得醫？）冇得醫，好似十萬個人就有一個人係咁，醫生話冇特別原因點解會有呢個病。」<br/><br/>她亦謂現時只能食粥及流質食物。問到可有影響工作？她表示都有影響唱歌及說話，本身下月頭要錄新歌，現時都要推遲至下月中錄音。