名人：江碧蕙離婚後極速搵到新男友

幾個月前公布跟法籍騎師老公李格力離婚的前女騎師江碧蕙（Sherie），今日現身香港藝術家楊素珊和陳竹君舉辦的油畫作品聯展。問到Sherie是否喜歡畫畫？她說：「細個有畫畫，公公係書法家，我三歲就揸毛筆寫字，有藝術背景，爹哋就做廣告設計，我讀書時都會揀畫畫同體育讀。」

同仔仔分隔異地

Sherie續透露剛開始擔任導師教授騎術，她說：「依家有自己嘅生活，做自己鍾意嗰行，好多支持我嘅朋友，都叫我教佢哋嘅小朋友，家長又一齊學，策騎係一樣好好嘅親子活動。」問到是否已習慣獨立生活？她說：「有啲唔慣，因為小朋友唔係一齊住，兩個仔仔喺法國住，做媽咪都會掛心，好多謝科技進步，無時無刻都可以見面傾偈，無論幾遠有心去做就做到。（有冇掛到喊？）過去幾年成日飛，一年飛6次，近年都係半年時間喺香港，半年時間喺法國，模式一直係咁，小朋友都適應咗。」

未打算再婚

問到Sherie與她一同到來的男士是否其男友？她大方承認，並表示男友Jerome是一位法國籍西班牙人，任職網球教練，她續說：「我哋拍咗拖幾個月，係返到嚟香港先識。（會否怕咗結婚？）順其自然，開心就一齊，又唔係未結過婚，唔渴望唔期待，依家健康同開心最重要。」