東網電視
更多新聞短片
經典劇集《流氓皇帝》重拍，當中加入咗好多新角色及新元素。
1/4
經典劇集《流氓皇帝》重現，新劇除了經典角色外，還加入了不少新元素，如黃智雯飾演的妹仔，暗戀身為革命黨員的少爺陸永。智雯笑言作為新加入的角色，演起來較沒壓力，與陸永的組合亦非常「趣怪」，她說：「今次演一個怕事妹仔，有咩事就跪地求饒，演出之前睇咗好多粵語長片，個角色對白都係嗰種腔調！後面會有好大轉變，會做女間諜扮舞女，監製喺佛山搭咗個百樂門景，要演百老匯歌舞！」
講到與陸永演一對，智雯笑言相當「另類」：「其實今次最大收穫係認識陸永，一直覺得佢好有趣，大家對於我同佢拍檔可能會覺得好新鮮，會有另一種火花。」
擁有六塊腹肌的袁偉豪（Ben），在劇中與馬國明飾演兄弟，身為樵夫的他不時晒肌展現力的表現，卻被山賊楊詩敏（蝦頭）擄到山寨，慘變「押寨夫君」！而蝦頭則以零女人味的男人婆造型示人，霸氣程度令爆肌的Ben亦被比下去，更成功將他「馴養」，一心一意服侍蝦頭！
監製指原版中亦有這一對角色，但當中未有太多細節，因此有不少空間加料發揮。而Ben身心都被蝦頭征服，陽剛味重的他竟不時爆出「溫柔啲」等爆笑對白，但天生一副「劏豬櫈」命格的他慘被「休夫」，最終要千里尋蝦頭，要她負責！
黃智雯角色多變，與陸永這一對配搭新穎。
袁偉豪同蝦頭呢一對夠晒搞笑。
袁偉豪不負所託，再於劇集中展露健碩肌肉。
