東網電視
更多新聞短片
都係愛嘅表現。
1/4
藝人艾美琦（Amy）與芝娃娃狗女「寶寶」之間，可謂認真冤氣！事關作為狗主的Amy，雖然經常畀面色寶寶睇，但作為狗中「公主病」的寶寶亦從不示弱，兩者不停鬥法，奇樂無窮！
Amy雖然口話「曳曳」，實則錫到寶寶燶！她說：「我喺2015年5月左右開始養寶寶嘅！開頭寶寶好抗拒我，仲唔肯食嘢，花咗好耐佢先當咗我係佢媽咪，成日嗲我，不過佢都有公主病嘅一面！如果我長時間唔喺屋企，佢就反轉間屋示威！到我發脾氣鬧佢，佢仲匿埋入廁所，到我話『原諒你啦！』佢就好happy咁跑出廳走來走去！」
Amy對於寶寶的公主病逆來順受，鬼叫寶寶有一招法寶咩！Amy說：「試過有段時間我經常返大陸工作，惟有將寶寶攞喺契妹度寄養，契妹太鍾意寶寶，提出收養，我見自己成日唔喺香港，應承咗。有晚我發夢，寶寶衝埋嚟我度！第二日契妹就打嚟，話寶寶不停亂叫亂咬亂大小便，我去探寶寶，佢又乖番晒，咁我仲有乜可能同寶寶分開呢？」
好可愛。
Amy好錫「寶寶」。
Amy仲話唔捨得同「寶寶」分開。
