東網電視
更多新聞短片

畀啲心機一定得。
1/9
混血影壇新人陳意嵐(Tarah)去年喺電影中幾乎全裸肉搏杜汶澤令大家留下深刻印象,加入影壇年幾嘅佢,其實希望可以有性感以外嘅演出,她說:「我唔覺得自己入咗年幾,因為我拍咗唔係好多日戲,自己仲做緊化妝師,生活上唔係好大轉變。一路都好想做演員,好想做性感以外嘅演出。(想做咩?)我係想做鬼或者喪屍,不過香港好少拍呢啲電影,我覺得自己係適合做武打。」
Tarah無奈坦言話工作都離唔開性感,直言只係想做好演員呢份工:「我一直都好想做演員,做咗一套以為會繼續有,但大家淨係記得陳意嵐係識跳舞同性感囉,咁佢應該係唔識做戲㗎啦,又或者好多戲搵我,第一件事都係問我:『可唔可以除衫㗎?』」
近年參加ViuTV《美選D.n.A》嘅Tarah,參加選美希望可以讓大眾認識性感以外嘅陳意嵐,但奈何擺脫唔到性感演出,坦言喺比賽有唔少閒言閒語,令佢大感委屈曾萌起過退選念頭,不過佢話開始咗比賽就要堅持落去,她說:「我目標唔係贏個冠軍,係贏大家嘅尊重。可能一開始我畀大家印象係性感嘅女仔,有時會有侮辱嘅說話,陳意嵐除咗性感以外係有其他嘢可以做。(侮辱說話邊到嚟?)網上就最多啦,其實玩緊嗰陣,我算比較好彩身材唔係特別好,比較少啲身體攻擊。(好委屈?)真係有覺得好委屈嘅時候,我玩呢個比賽就係想擺脫性感,其實性感係一個難嘅演技,但係大家就覺得唔係演技,如果你演繹到性感啲人會覺得好Cheap。反而玩呢個比賽加強咗我性感嘅形象,但人哋睇嘅眼光唔係咁,大家睇性感就係Cheap啦,我自己覺得好氣餒。(有冇諗過退選?)有諗過,有一刻係想,覺得自己唔要做乜,點解我擺脫唔到呢件事(性感),會唔開心嘅,但覺得有啲嘢做咗就要堅持。」
場地:hmv Bar & Restaurant
化妝:Anni Teng
髮型:Kel Ching@salon amarone

Tarah上年以近乎全裸殺入影壇。

Tarah最想試其他角色,好似鬼同喪屍。

參加選美曾經考慮退出,不過最後都堅持選落去。

不過戲路方面就受到好大限制。

Tarah仲覺得自己做打女應該OK。

陳意嵐(Tarah)

好多人搵佢拍戲都係要佢除衫。

Tarah聽咗好多侮辱說話。