喪玩粗口諧音！林敏驄笑爆講「呃蝦條」

藝人鄭裕玲和農夫憑節目《Do姐有問題》在《萬千星輝頒獎典禮2016》中奪得最佳節目主持，不過焦點卻落在林敏驄和李思捷兩位頒獎嘉賓身上。他們在台上就以粗口諧音大玩不文，其中林敏驄又笑指無綫會開新節目予李思捷，更謂：「同零食有關！」而他令到李思捷感興趣後續謂：「叫《我愛呃蝦條》！」令全場嘩然。

其實林敏驄講「呃蝦條」前，都有笑謂洪永城夠「趴街」貼地，又笑指金剛和小儀的《街坊廚神舌戰東京》中是「怪獸片」，因為他們大玩「舌戰」，非常踩界。

林敏驄一出場網民已經剝定花生，等睇佢爆肚，當然阿驄都冇令大家失望，一開口就妙語連珠，仲話叫全場一齊大叫「我愛呃蝦條」，嚇到一向自稱轉數快嘅李思捷即刻話睇最後三強名單。網民都話畀阿驄笑死，仲話「李思捷完全唔係林敏驄嗰皮」、「思捷個樣前所未有咁謙虛」，更有網民話「邊個敢呃do姐蝦條」，認真搞笑！