東網電視
更多新聞短片

周驄再續未了「言」,原來佢仲想多謝陪伴佢58年嘅太太!
1/11
85歲資深演員周驄於《萬千星輝頒獎典禮2016》中奪得「萬千光輝演藝人大獎」,於台上發表感言期間,由於工作人員不停打圈示意「講快啲」,最後他說到:「無綫有好多員工默默耕耘,為TVB默默付出……」明顯未講完就自己硬CUT,表示:「得!唔講喇,多謝各位!」
太太陪伴58年
一段未完的感言,東網為周驄叔延續,原來是一段感人的愛的宣言!記者致電周驄叔,他說:「我老態龍鐘,講得慢,其實我想講我想為呢班默默為無綫工作、耕耘嘅台前幕後人員致敬躹躬之外!同埋,我好想多謝陪伴咗我58年嘅太太,冇佢好好咁照顧我,冇今日仍然精神奕奕嘅周驄,多謝你!我愛你!」
只說一次 下不違例
愛到白頭的人說出愛的宣言,格外感人!問周驄叔如何維繫呢段58年的感情,他謂:「冇㗎,佢對我好好,一路都好照顧我,所以,我咁愛佢。(點解好少見周驄嫂?)佢鍾意喺屋企,唔係咁鍾意我提起佢,講太多,佢會嬲㗎!哈哈!所以,都只此一次,下不違例喇!」
唔介意變「周聰」
對於無綫蝦碌在頒獎禮鏡頭上出現「聰」字,豁達的周驄叔沒有介意,並笑言:「邊個『驄』字都冇乜所謂,但我寫嘅一定係呢個『驄』字,哈哈!」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon

由小生變甘草,驄叔尋晚獲得「萬千光輝演藝人大獎」。

不過佢話只此一次,下不違例喇,因為太太唔鍾意講太多呀!

戥佢高興!

但美中不足係周驄戀咗「周聰」,不過驄叔冇介意!

佢講嘅感言可以話係全晚最令人感動之一。

唔會嘅,咁冧!

翠如你抽周驄水!!

不過因為時間未能講晒,而佢今次再講,仲首次公開向太太講「我愛你」!

驄叔獲獎後,好多人都爭住恭喜佢!

一代小生!曾江(左起)、周驄、胡楓