【依家4歲半】張崇基出年想教囝囝滑水

歌手張崇基除了唱歌外，亦愛好滑水：「滑水係十幾年前接觸到就愛上，我鍾意一樣運動時就想做好佢，唔想玩玩吓，所以擺咗幾多時間落去，直至考咗教練牌，依家玩咗超過十年，希望可以培育年青一代。（會唔會教囝囝玩？）佢見過我玩幾次，佢都有啲興趣。（但佢依家咁細個？）我覺得可以ready畀佢試，可能出年佢大少少畀佢試，佢依家4歲半，但非常鍾意水，成日同我講想試滑水。」工作方面，他透露明年有機會與弟弟張崇德開騷：「每年都希望有大型演唱會，但香港場地太少，希望17年有機會開，其實我哋不停都有入紙唔同地方，希望有個啱timing做到。」他亦透露數年前計劃過寫音樂劇，現時仍在構思中，希望可以盡快與大家分享。