東網電視
更多新聞短片
瑪莉亞喺台上出晒醜。
1/6
天后瑪莉亞卡里（Mariah Carey）於美國時間除夕夜為電視台ABC嘅除夕騷演出，有指向來出名鐘意遲大到嘅佢搞到一班監製好驚青，事前特別為瑪莉亞安排入住時代廣場酒店，等佢可以好快嚟到現場，確保瑪莉亞在時代廣場水晶球開始降下倒數前準時現身表演。有內幕人士話：「工作人員跟瑪莉亞夾時間時，瑪莉亞嘅團隊仲反問番：『咁水晶球幾點會下降呀？』」似乎對世界有名嘅經典倒數儀式完全唔清楚，同唔知咩嘢叫「倒數」無分別。
雖然瑪莉亞最後有順利現身，不過台上演出就狂出問題，一開口就聽到播錯歌，瑪莉亞喺台上幾乎唱都無唱，就係遞咪叫觀眾唱，又話：「我依家好努力咁發揮體育精神！開番個Monitor啦唔該！」雖然都係自己歌，但瑪莉亞都唔係點唱，連原先排好嘅舞步都跳到甩晒，到第二首歌時，瑪莉亞仲擺到明咪嘴咪足全程，最後嬲嬲豬離場。
網民不停喺網上留言嘲笑瑪莉亞演出，話：「伊斯蘭國（ISIS）已經正式宣布為瑪莉亞嘅演出負上責任。」
舞步又跟甩晒。
事前仲同「小三」Bryan綵排。
最後嬲嬲豬。
唔知時代廣場嘅水晶球幾時會下降。
