石修做老爺！陳宇琛入紙申請結婚下年擺酒

恭喜！恭喜！石修榮升老爺，現年37歲的陳宇琛（Sam）早前喺英國向拍拖兩年的前有線主播林佑蔚（Camille）求婚成功，而今日東網記者就喺婚姻註冊處發現陳宇琛與Camille的擬結婚通知書，亦發現原來陳宇琛年紀大女友足足十年。而陳宇琛報稱自己職業是執行董事，而女友就是營運總監。

東網記者致電給石仔時，未講嘢他已說多謝，相當開心。石仔笑言：「多謝晒，依家入咗紙先，睇吓有冇人反對先，哈哈！其實上年7月已經喺英國求咗婚，之後排咗期再慢慢搞其他細節嘢！擺酒都未必今年趕到，可能下年年頭。」問到是否趕住生BB時？他謂：「唔趕！慢慢！結咗婚享受吓二人世界先。」問到婚禮是否大搞及父親石修有否意見時，石仔說：「大家都Plan緊，如果兩家人大搞都會好多人，爸爸就叫我自己決定，佢都好開心。」石仔又指他與未婚妻都是基督徒，婚禮都希望於教堂舉行，問他影了結婚相未？他說：「未呀！自己喺英國讀書、英國求婚，所以對嗰度都有情意結，希望可以去蘇格蘭影婚紗相啦！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon