邀鮑方入無綫　鮑起靜視何家聯為恩人

活躍於七、八十年代的前無綫高層何家聯昨日病逝，合作過的藝人深感惋惜，影后鮑起靜（鮑姐）原來跟何家聯甚有淵源，鮑姐更視對方為恩人。鮑姐接受電話訪問時說：「我雖然唔認識佢，但當年我父親（鮑方）可以喺無綫有工作，全靠佢幫手，之後我哋屋企有收入，所以佢（何家聯）係我一家人嘅恩人。」原來當年鮑方因電影公司解體，經濟一度陷困境，幸獲何家聯推薦入無綫拍《京華春夢》。