爆「風雲」解散原因！鄭敬基搵唔番陳少偉

歌手鄭敬基（Joe）亮相有線節目《樂壇第一手》，大談當年他與陳少偉（Ringo）組成樂隊組合「風雲」，他表示能夠成軍是緣份：「當年我錄好咗六首歌，點知公司突然叫停，我好失望，嗰時我日日喺錄音室見到一個人喺度填詞，佢就係Ringo。」

講到有傳二人因不和而解散，Joe坦承：「我哋準備出第二隻碟時有啲拗氣，佢覺得點解你就永遠企前面，佢就成日都喺後面，結果大家有個唔好嘅心態，就係分開睇下邊個死先，跟住就無再聯絡。」Joe坦言曾用多個途徑欲找回拍檔，只是都不成功，他在螢幕呼籲：「我希望Ringo透過各媒體知道，我好想搵番你一齊再合作。」

談到新婚太太，Joe坦承音樂是二人的一大橋樑：「我第一次去佢教會見到啲公公婆婆咁有節拍，令我唱歌唱得好投入。我太太平時做地產着晒套裝，估唔到佢都一樣好放去享受音樂。」對於有人指他們閃婚亦將閃離，Joe斷言：「一定唔會啦，我哋好開心！」他又稱一對子女豐富了他的音樂世界：「我以前都唔聽Pop同Rock，但因為佢哋令我認識多咗。」