向黃淑儀道歉　李家鼎重談當年「情」

資深藝人李家鼎近期憑煮食節目《阿爺廚房》人氣急升，被發現原來除了功夫及騎術了得，廚藝更是非常厲害！不過最近卻發生小誤會，誤傳同樣是煮得之人的黃淑儀（GiGi）是李家鼎徒弟，李家鼎已澄清只曾教過GiGi功夫，並非廚藝！<br/><br/>提議黃淑儀可搬去佢度<br/><br/>其實兩人相識近40年，當年GiGi拍攝《書劍恩仇錄》時被汪明荃不慎刺傷流血，身兼演員及武術指導的李家鼎即抱起她並衝出廣播道總台門口上車求醫，GiGi受訪時大讚李家鼎有義氣，當年她拍畢《書》劇後跟劉芳剛離婚，當年已跟施明結婚的李家鼎表示若她沒有地方住，可以搬往他屋企，絕對是兩肋插刀。<br/><br/>女性係弱者要保護<br/><br/>李家鼎接受東網訪問時提起往事，笑言並非對黃淑儀特別好：「我對個個都咁好，特別女性係弱者，要保護，而且佢同我前任（指施明）係姊妹，有難就要幫！（你話當年如果黃淑儀冇地方住，可以住你度？）施明都贊成，知道冇嘢，而且我哋有幾間房。」<br/><br/>想向對方道歉<br/><br/>講到跟黃淑儀相識多年，對方當正他是親人：「有時Canteen食飯我坐到好遠，佢發現我就會過嚟裝飯舀湯，又叫我師傅，其他人好奇怪，就誤會咗我教佢煮嘢食，其實係教功夫咋！有呢個誤會，我都想向佢道歉呀！好似踩低咗人咁。（有傳幾年前黃淑儀推薦過你拍煮食節目！）咁我又冇聽聞喎！一向係聽通告。」<br/><br/>添食公司話事<br/><br/>講到《阿爺廚房》反應甚佳，李家鼎直言事前沒有想過，只想做好每一件事，問到最近有否多了廣告或出騷等邀約，他笑說：「有啲反應，但都未落實嘅。（《阿爺廚房》會唔會添食？）一切等公司安排啦！咁之前做咗冬天食材，正所謂『不時不食』，夏天食材都可以拍。（出書呢？）公司話事，我都樂意做。」<br/><br/>黃淑儀唔想愈描愈黑<br/><br/>至於身在外地的黃淑儀接受訪問，講到近日與李家鼎的誤會傳聞，她直言不想愈描愈黑：「謝謝你傳達訊息，事情已經解決及平息，我不想節外生枝，再被炒作，謝謝！就讓它（傳聞）淡出吧！」<br/>__________________________<br/><br/>想聽歌？想睇MTV？想了解本地Indie Band資訊<br/>快啲click入「聲大夾樂」專頁： http://on.cc/musicon