方伊琪唔催仔仔結婚：係佢嘅事

歌手方伊琪（方姨）與兒子卓達、曾航生、馮素波等出席團年活動，方姨表示兒子是IT人，間中亦會客串演出：「佢冇學過唱歌，但佢唱得ok嘅，音樂感非常好，啲人成日話我可以退休，因為佢唱得，真嘅，長江後浪推前浪。（你有咩打算？）我冇咩打算，佢鍾意做乜都得，開心就得架喇。」

而卓達表示多數與母親一起演出，又指演唱流行曲為主。方姨即說：「佢把聲其實可以唱choir，傻仔嚟架，但唔可以畀壓力佢嘅，佢覺得自己大個仔，會唔鍾意。」而方姨透露兒子現有一個穩定的女朋友，問到可想快啲飲新抱茶？她笑說：「結婚呢啲係佢嘅事，我去飲嘅啫，冇咩所謂，呢啲順其自然啦。」新年將至，方姨謂今年不用出埠登台，但在香港會有演出，又指兒子計劃新年帶她到海洋公園玩：「都好嘅，依家啲後生仲會帶我哋出去玩，就一定要去。」