東網電視
更多新聞短片

意外,意料之外!
1/7
藝人劉德華喺泰國拍攝廣告時從馬背摔下受傷,其實歷年都有唔少藝人喺外地工作時意外受傷,輕則休息一日繼續開工,重則需要面對漫長康復期。
2016年 蕭正楠
藝人蕭正楠喺內地拍劇吊威吔時意外受傷,佢倒吊纏實咗條威吔,頭向地跌落地墊,結果導致膊頭、頸痛。
2015年 甄子丹
「宇宙最強」甄子丹同拍擋張晉拍攝電影《葉問3》,二人埋身打鬥時,子丹意外被張晉嘅刀擊中鼻樑而受傷流血。
2012年 鄭嘉穎
藝人鄭嘉穎喺上海拍攝電視劇《葉問》,唔小心被同劇武師打傷眼部,要即刻回港治療,最後眼部縫咗10針。
2012年 黃曉明
剛榮升做爸爸嘅黃曉明拍攝電影《白髮魔女傳之明月天國》時因為吊威吔而發生意外,由3米高嘅高處墜地,結果導致左腳兩隻腳趾粉碎性骨折,左手同右膝挫傷。
2011年 陳美詩
藝人陳美詩喺日本沖繩拍攝旅遊特輯時發生車禍受傷入院,意外令佢頸骨移咗位,需要做物理治療。
2010年 任家萱
台灣女子組合S.H.E成員 Selina(任家萱)同內地演員俞灝明喺上海拍攝電視劇《我和春天有個約會》時因為炸點提前爆炸,令Selina嚴重燒傷,需要漫長康復期。
2005年 林志玲
台灣名模林志玲喺大連拍攝廣告時,從馬背摔下,導致胸部六根肋骨骨折,胸內有積水,當時需要緊急入院治療。
2002年 楊思琦
藝人楊思琦喺內地拍攝劇集《血戰軒轅》時從馬背摔下受傷,令其頸、腰受傷,要入院治療。

蕭正楠

甄子丹

林志玲

任家萱

鄭嘉穎

楊思琦