東網電視
更多新聞短片

阿田透露因為拍《迷》搞到佢同現實「脫軌」,抽離唔到角色!
1/17
視后田蕊妮(阿田)主演的無綫劇《迷》正在熱播,她坦言今次是入行遇上最複雜的角色,拍攝時曾不懂如何與現實生活「接軌」﹕「我演女強人,鑽牛角尖嗰類,同我本身性格南轅北轍。有次打風有假放,我去咗朋友屋企開派對,但自己坐喺度成晚冇出聲,表現嚇親人,我發覺自己唔識得『放假』。」
有同老公溝通
拍攝期間,阿田完全受角色情緒牽引,老公杜汶澤卻正在籌拍新片,「孤立無援」的她笑說:「我哋有溝通,佢(杜汶澤)都關心我嘅。有日佢見我化妝返工就同我講:『都幾在狀態吓喎……』我知佢話我太投入,我就回佢一句:『到時(有情緒病)記得帶我睇醫生就得喇。』我好記得最嚴重嗰時只要身邊有人講句嘢,我會即刻問助手佢係咪話緊我。」
嘉穎做暖男送小食
猶幸拍檔鄭嘉穎在旁支持,令阿田感動:「以前嘅嘉穎鍾意收埋自己,依家佢可以用暖男嚟形容,佢會喺旁邊精神上支持,又會買飲品小食氹我,仲要唔係直接畀我,係交畀我助手話:『阿田今日辛苦喇,收工幫我畀佢啦。』真係好窩心。」
老公下盤穩唔識跌
稍後將投入重頭作《誇世代》拍攝的阿田,近日被阿澤帶着「出走」,飛往北海道滑雪。阿澤更被老婆「爬頭」,早一步學曉滑雪,阿澤受訪時笑謂:「見佢識咗,我第二日即刻請個澳洲教練上堂,教練話可能我學咗空手道咁多年,下盤太穩,因學滑雪第一步,係要學識跌,我依家都得咗。(買新相機畀老婆鬧?)咩呀?我諗住拍完套戲咁辛苦,買隻手錶獎勵自己,依家唔買手錶改買相機之嘛。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon

仲叫老公杜汶澤到時(有情緒病)記得帶佢睇醫生!

發覺自己有假都唔識放!

會買嘢食畀佢助手再轉交畀佢,覺得好窩心!

呢次趁住阿田開新劇前,阿澤就帶咗老婆「出走」!

係有姿勢有實際喎!

田蕊妮、鄭嘉穎(資料圖片)

佢坦言遇上一個前所未有嘅角色,要做女強人,同佢自己係兩個人嚟!

最嚴重嗰時只要身邊有人講句嘢,佢會即刻問助手係咪話緊佢。

身邊有呢兩個男人支持自己,就唔使驚啦~

啲相影得咁靚仲唔係出自阿澤隻手?

搞到佢哋都唔想走~

有次去朋友屋企開P,自己竟然成晚冇出聲,嚇窒所有人!

不過好彩有拍檔鄭嘉穎,佢仲話對方變咗好多,依家係暖男!

唔使咁Chok呀視后!

阿澤仲畀老婆爬頭學識滑雪!

好凍又好Sweet~