名人：朱潔儀被阿媽催婚「求其搵個嫁」

有「港姐畫家」之稱的前港姐朱潔儀（Donna），接受有線節目《星味傾情》兩位主持黃芳雯和李麗珊訪問。Donna自爆讀書時代每逢勞作開放日，貼堂作品全出自她手筆，更自豪地說：「畫畫講求靜心專注，可能一畫就幾小時或幾日，但我真係完全唔會悶！」正籌辦個人畫展的她，過往她亦參加過不少聯展，問可有難忘經歷，她笑道：「有次喺內地搞聯展，有人邊睇邊伸手摸畫，我緊張起來即刻用廣東話當國語大叫，諗番都覺得自己好笑！」而最窩心的則是知道有人慕名而來欣賞其畫作，令Donna開心不已。

問她是否因醉心畫畫而刻意減少幕前演出？Donna否認道：「只係題材唔啱，譬如鬼片，我又怕黑又驚鬼，點拍呀？奸角，有導演話我個樣寫住我本善良，又唔啱拍，其實我都等緊一個適合嘅角色。」至於感情生活，Donna往績乏善可陳，她大笑說：「我媽咪已經催無可催，直接叫我求其搵個嫁咗去！緣分邊有得強求，我都期待真命天子快出現！」