咩組合？莊思敏孖沈震軒探大肚吳若希

自稱自己有「女王病」嘅藝人吳若希（Jinny），依家佗B六個月，長期都留喺澳門安胎，閒來無事就最鍾意喺社交網Update最新近況，同網友粉絲交流吓。不過大肚婆冇嘢做真係幾無聊嘅，所以最好都係同一大班朋友見吓面、傾吓偈，咁樣人都開心啲，BB都健康啲啦！所以Jinny呢日同莊思敏、沈震軒一齊食飯，Jinny留言：「有人陪你一個下午，就已經覺得很開心啦！」而莊思敏亦都有甫合照，佢話：「好耐無（冇）見若希BB。在澳門一聚吧。」<br/><br/>不過更值得關心嘅係點解佢哋會一齊食飯？呢個究竟係咩組合嚟嘅？小編諗到最有關係就係Jinny同沈震軒一齊拍過無綫劇《衝線》。