名人：邱李茂琪被老公笑係最老最潮KOL

溥儀眼鏡行政總裁邱子傑昨晚與太太邱李茂琪出席旗下眼鏡品牌「GENTLE MONSTER」新品預覽派對，不少明星名人出席，包括歌手關心妍、彭健新、藝人莊思敏、莊思明、廖子妤、名媛諸葛紫岐、王丹妮、Rosemary、名媛楊張新悅和女飛魚歐鎧淳等出席，是夜主題為七彩和型格，飲品和布置都有熒光色，不少嘉賓都穿着熒光，十分搶眼。<br/><br/>IG有20萬followers<br/><br/>邱李茂琪大讚歐鎧淳着得靚，她說：「覺得佢好乖，好友善，同埋佢都喺美國讀書返嚟，我哋仔女都喺美國讀緊書。」問到她忙於工作，可以稍稍忘記掛念仔女，她說：「都唔係咁掛嘅，我覺得家人各自進步係好事，佢哋依家會問我忙乜，又會覺得父母好潮，仔女會同佢哋啲朋友討論大家嘅父母，佢哋朋友仔都成日話我哋好變態，好潮，哈哈。（你IG有埋仔女嘅朋友和同學？）係呀，有加仔女朋友，奶奶啲朋友都係我IG friend，我依家有20萬followers。（你可以做KOL？）我老公話我係最老同最潮嘅KOL。」