要打屁股!孫耀威忘記女友生日

20170227
東網電視
更多新聞短片
好彩孫耀威臨時醒起啫,即刻補鑊。
歌手黎瑞恩、孫耀威、王秀琳(Mango)、吳卓羲及李蕙敏出席白內障手術資助計劃,接受訪問時,孫耀威透露年紀細細就戴眼鏡,又鍾意打機,所以初中就已經有800度近視,到大學才開始戴隱形眼鏡,笑言:「大學之前都冇人話我靚仔,自信返晒嚟!」不過因為入行後拍喊戲時會甩隱形眼鏡,所以索性做第一代的激光手術,當年費用需要兩至三萬港幣,直言當時做手術會聞到燶味兼見到血紅色。老孫自嘲超級「機佬」,每日機不離手,更會被女友陳美詩(Macy)鬧,但因為母親曾患過白內障,所以自己都會特別留意。
另外,提到早前慶祝女友生日,好多網民留言催婚,老孫笑言:「年年都咁講啦!其實我係個要打屁股嘅男朋友,因為佢生日之前嗰日安排咗影相工作,冇諗過佢生日,好彩後尾醒起,趕得切推遲個拍攝。佢好明白我,好包容我!」