自爆單身　伍定彥激讚台灣女生吸引

享樂團前主音伍定彥（Don）到電台宣傳新歌《未來進行曲》，他坦言雖然未知將來如何，但要堅持信念。他找來舒文監製和周耀輝填詞，歌曲說的是自己為音樂堅持了很長時間的故事。由樂隊主音轉為單飛歌手，Don表示多做幾次訪問後開始習慣：「有時都會有少少寂寞，但要學識成長，唔可以再依賴人。最唔慣係講嘢，自己講嘢唔多，又比較內向，同埋好慢熱，最驚講錯嘢。」問到曾講錯甚麼？他稱早前上TVB音樂節目時曾問非所答，自己平時面對熟朋友就會說多些話，在陌生環境就會緊張。

提到MV在去年中於台灣拍攝，他認為台灣女生亦很吸引，有接觸過徐佳瑩等台灣歌手：「佢哋非常之好，非常有禮貌，冇架子，肯share音樂上嘅方向，所以台灣女仔應該幾好。（搵台灣女朋友？）有機會啦，依家單身，都係同支結他，哪有時間？」他透露下首歌亦由舒文監製，加入了自己的想法和自己填詞，現在正在錄音，數個月後會推出，新碟會比較英式搖滾。

另外，Don表示第四屆微電影「創+作」支援計劃（音樂篇）正接受網上投票，他有份拍攝的微電影《緣自初心》是候選作品之一，他說：「8號截止，16號頒獎。套戲兩個月前拍，搵咗孫慧雪客串，我有場一take過喊戲。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon