反派王娶老婆　50歲何啟南年底做老襯

20170307
  • 東網電視
    更多新聞短片
    何啟南年底將與圈外女友楊穎靜結婚。
    現年50歲的TVB「反派王」何啟南，日前與圈外女友楊穎靜到尖沙咀入紙結婚，東網聯絡到他，並送上祝賀，一向少講感情事的他即時笑晒表示：「哈哈哈…多謝晒！」講到有指他曾離過婚，現時感情穩定的他不欲再多講。
    想結婚就去結婚
    問求婚有否準備驚喜？何啟南笑言：「都係咁啦，哈哈，咁嘅年紀仲使乜驚喜，浪漫都算唔上。（同未婚妻點識？）朋友介紹，拍拖到依家三年幾啦。」講到突然會有結婚念頭，何啟南自認行動力十足：「咁大家年紀有番咁上下，都識咗咁耐，好多嘢就係想到就做㗎喇！」
    演出反派成為經典的何啟南，問未婚妻是否支持他的演出？他笑言：「吓，佢忙，好少睇電視嘅。（有冇話你差距好大？）話我冇咁惡囉！（現實係體貼男友？）哈哈，一個正常人啦！」
    搞個Party慶祝
    問是否已定下婚期？何啟南說：「仲未定，應該就係今年年尾，原本朋友都未知，諗住四個人上去註冊就算，然後兩公婆低調去旅行咁。但依家收到好多朋友祝福，都要再諗吓點樣搞，或者搞個Party啦，可能要搞大啲喇，暫時仲未有想法，等我同佢（未婚妻）再諗諗。」
    __________________________
    想聽歌？想睇MTV？想了解本地Indie Band資訊
    快啲click入「聲大夾樂」專頁： http://on.cc/musicon