《有樓》編導岑應嫁消防員

無綫編導岑應曾經制作過唔少話題性節目，大家仲記唔記得《盛女愛作戰》、《求愛大作戰》、《沒女大翻身》先？甚至早前牽起「有樓有高潮」熱話嘅《有樓萬事足》，都係由佢操刀㗎。今次岑應就化身做「女主角」，點解？因為岑應入婚排期結婚了。岑應同男友蔡明曦嘅「擬結婚通知書」曝光嘞，岑應男友蔡明曦報稱任職消防員，比岑應年輕四年，兩個婚姻狀況都係未婚，佢哋兩個申報嘅地址都係將軍澳，岑應即將踏入人生新階段做人妻，真係恭喜晒。

東網聯絡岑應，她開心表示：「係呀，我哋啱啱入紙排期結婚呀，佢係細我四年嘅，多謝大家嘅祝福呀。多謝。」問到岑應是否喜歡健碩大隻男，她笑言：「我係鍾意健碩大隻嘅男仔，佢做消防員有種英雄感。（係咪有樓有高潮先？）未買樓呀，樓價仲係好高，儲緊錢，追唔到樓價，再睇定啲先啦。（在港擺酒？）應該唔會嘞，都係兩邊家人食餐飯咁啦。」

另外，曾參與電影《學校風雲》與《新龍門客棧》的67歲導演李惠民亦入婚與年輕34歲的女子結婚。