東網電視
更多新聞短片
欣宜憑電影《29+1》入圍法國尼斯國際影展競逐「最佳女配角」，好叻豬呀！
1/4
歌手鄭欣宜出席化妝品牌Anna Sui專櫃開幕，談到憑電影《29+1》入圍法國尼斯國際影展競逐「最佳女配角」，她謙虛表示以見識心態出席，及後亦會到康城影展見識一番，預計會在當地留多兩天遊覽。她還透露日前為優先場謝票時，有觀眾要求與她抱抱，並感動喊住多謝欣宜的演出：「其實都要導演寫個角色寫得好，呢個角色亦都令我有唔同嘅睇法，呢個覺得自己好渺少，以前有假放就會去峇里、泰國relax，依家反而想去其他地方見識下。（角色影響？）都係，對人生睇法唔同咗。」問到會否希望繼續進修？她笑言想學烹飪，在演技上亦希望繼續鑽研。
談到有份參與黃子華新戲《棟篤特工》，欣宜表示將客串演出一角，對於能與子華及吳君如兩大喜劇之王合作，感到非常榮幸：「由細到大都覺得佢哋好搞笑，唔止演技好，仲好聰明。（唔跟劇本臨場爆肚？）會跟劇本，但每take都好新鮮！（黃子華係票房毒藥！）係㗎咩？我客串㗎咋！（破解厄運？）冇諗呢啲，有得同佢哋合作已心滿意足。」
欣宜希望繼續鑽研演技。
欣宜會到康城影展見識下。
同場有何雁詩。
