名人：超蓮三級燒傷照冒雨落老銅派糖

由賭王三房女兒何超蓮成立的慈善組織Smile With Us HK，今日在銅鑼灣鬧巿派棒棒糖，超蓮日前為整棒棒糖而被160度高溫的糖燙傷右手，今日她的手纏上紗布，雖然受傷，但她仍親力親為，與約七名的組織成員於下午四時許在現場設置布景板，之後眾人便齊齊冒雨派糖，超蓮甚受女生歡迎，不少人主動要求跟她合照，期間超蓮的胞姐何超雲亦有現身探班，並幫手派糖。

超蓮表示慈善組織於一月成立，每月也會組織兩次活動，又會跟不同慈善機構合作，她說：「因為我覺得香港人好唔開心，成立呢個組織係想大家開心啲，發放正能量，我哋唔會募捐，所有錢都係我哋出。」今次共製作了400枝棒棒糖，絕大部份由超蓮所做，她笑言：「有325枝係我整，跟住我就受傷整唔到喇。（有冇睇醫生？）有，醫生話我係三級燒傷，好在傷喺關節位，皮膚比較厚，所以睇起嚟唔似咁嚴重。大約個幾月先好番。（有冇影響工作？）返工都可以，但影響寫字，我要考試，不過為慈善出力冇計。」