東網電視
更多新聞短片
黃坤玄已經39歲啦！
1/6
出身自台灣嘅童星黃坤玄，曾經同過周潤發（發哥）合作拍電影《阿郎的故事》，飾演發哥嘅仔仔「波仔」、佢又同過劉松仁合作過電影《愛的世界》，由於當時佢個樣勁得意，令人留下深刻印象。唔經唔覺黃坤玄依家已經39歲，佢喺2014年嗰陣罕有咁喺社交網甫文話：「03年拍完電視劇《金劍雕翎》後，演藝生涯也就基本到此結束了。」並表示感謝大家對佢一路嘅支持，及後黃坤玄都只係間唔中喺社交網更新近況。
直至前日，黃坤玄罕有喺社交網甫文留言話：「每次登上微博，總能看見大家給我許多的留言，令我剛到非常驚喜。謝謝你們，沒有忘記我。你們的每條信息，都讓我覺得如此溫馨。這些年來，我過得很好，希望你們也要健康快樂下去。心懷感恩！ 」有好多網民都表示好掛住佢呀。
黃坤玄當年做發哥仔仔「波仔」。
黃坤玄同過劉松仁合作拍戲。
係咪仲記得呢！
黃坤玄話佢依家過得很好。
勁感人呀！
