東網電視
更多新聞短片
鄧佩儀（左圖）辭演《誇世代》，張曦雯覺得放棄拍係明智。
1/5
藝人張曦雯（Kelly）出席泰國食品節活動，透露非常喜歡吃泰國食品，除了有辣的美食外，還有她至愛的榴槤，笑指也於活動前問經理人會否有榴槤吃，她謂：「我今年仲未食，冇人陪我，試過畀屋企隻貓食，佢擰歪面唔肯食，惟有同家人分享，或者食唔晒就放冰箱度，雪完當雪糕食。」
望鄧佩儀快點康復
談到鄧佩儀拍攝無綫網劇《降魔的番外篇—首部曲》時，吊威吔不慎拉傷背部韌帶，劇中演佩儀家姐的Kelly表示當時不在場，寄望「妹妹」快點康復，更謂：「我同佩儀都多對手戲，不過我就未開始拍，未知佢依家咩情況，淨係知佢要休息一個月，本身上個月我都有幾場，依家都要延後到另行通知。（佩儀要辭演《誇世代》！）係可惜，但放棄拍係明智，否則再受傷就仲麻煩，女仔第時要生小朋友嘛！我以前喺美國都喺冰度跣過幾次，所以第時生仔都驚痛。」
去毛里裘斯晒泳裝
問到《降》劇延後拍攝可有影響其工作？Kelly表示沒有，因原定將於本月中出發毛里裘斯拍攝無綫旅行節目《3日2夜》，並預告會泳裝上陣，她謂：「呢排要Keep Fit，但我都會食榴槤，我會做多啲運動，同埋都特別為節目去考潛水牌。」
張曦雯話否則再受傷就仲麻煩。
鄧佩儀吊威吔不慎拉傷背部韌帶。（資料圖片）
女仔第時仲要生小朋友嘛！
咁又係喎！
