19歲莫凱謙畀女飛:失戀真係可怕

20170506
東網電視
更多新聞短片
莫凱謙話佢拍拖多數畀女飛。
歌手莫凱謙及黃意雅等到尖沙咀出席演出,莫凱謙說:「户外Live真係第一次,自己揹住結他出嚟玩,上網睇過呢個Live好多次,好渴望有個咁大嘅場地、咁靚嘅音響將自己嘅音樂同大家分享。」他坦言緊張,因為恨上這個台很久,但這份緊張推動自己做得更好。
唔再唱《習慣失戀》
提到新歌《無花果》由自己作曲、作詞及編曲,莫凱謙指MV與Nata@As One一起拍,歌曲關於情侶間的糾紛:「朋友話愛情唔開花結果就係無花果。(你愛情經歷多唔多?)唔多。就算有人叫我再唱《習慣失戀》,我都話唔好啦,因為失戀真係幾可怕。」問到上次失戀在何時,他就笑言忘記了,只把感覺寫在歌曲中:「一個19歲血氣方剛嘅少年當然有
拍過拖。(幾多次?)幾次,多數畀人飛,所以要將自己打造得好啲。」
寫譜畀Joey Tang勁驚
說到邀請了Joey Tang幫手彈結他,莫凱謙指突然知道要寫譜給對方:「死啦,好驚,我嗰時冇諗過譜係點寫,又未試過搵樂手彈自己編嘅歌,每寫一筆都好驚佢睇唔明。好彩佢好專業,畀乜佢都彈到,甚至幫我Fine Tune,畀Idea我修改。效果我好滿意,好開心有佢幫手。」