薛家燕爆于素秋拍粵語片要搵人現場配音

當年七公主和八牡丹都是戲迷最愛，然而八牡丹之的一的于素秋離世，身為「七公主」之一的薛家燕，表示「八牡丹」是她的大師姐，個個都係犀利，她接受東網訪問時亦難掩傷痛之情說：「聽到消息後個心好唔舒服同難過！當年嘅電影都係佢哋一手包辦，全部都係一線花旦。可以團結到成個影圈。曾經有工會做慈善拍戲，佢哋都唔收片酬。我11、12歲同佢合作過，當年佢同林鳳、鄧碧雲都係『八牡丹』之一，因為佢係于師傅個女，所以好打得，皮膚又白又靚，同曹達華合作最多！記得有十大導開戲，叫咗七公主、八牡丹和九大姐演出，記得開工時好開心，食飯又一齊，佢哋係我前輩，我係童星出身都肯教我演戲，佢哋對影圈有紅大貢獻，做到薪火相傳。」

薛家燕又大談于素秋在戲棚鮮為人知的事：「因為秋姐係外省人，講嘢唔係好正，所以粵語對白要搵專門為佢配音嘅黎坤蓮現幫佢配，秋姐個口就係咁郁囉，拍出嚟觀眾都唔知。」

另外，同于素秋都是粵語片明星的馮素波接受電話訪問表示與于素秋合作不多，兩人當年只合作過電影《如來神掌》。問到馮素波最近一次與于素秋見面是甚麼時候？她說：「大家都幾十年冇見，好少聯絡。」馮素波指因大家只合作過一次，而且只是合作拍攝了幾場戲，故並不熟稔。