譚芷昀爸爸處男出碟　恨搞演唱會

在《中國新聲代第二季》歌唱比賽獻唱《You Raise Me Up》一炮而紅的9歲女童「小巨肺」譚芷昀（Celine）背後的軍師是歌唱老師爸爸譚順生（Steve），二人獲老闆蕭定一賞識成為歌手。Steve除了幫助囡囡發展之外，自己近日也忙於推出個人首張唱片，Steve希望藉着自己歌聲連同經典金曲團結香港人，他說：「希望可以團結到香港人，令到大家同聲同氣，好似以前互助互愛嘅感覺，依家大家隨時間慢慢忘記咗呢種感覺，所以想試吓做番出嚟，去喚醒大家，重燃愛火。」

「唔識我都識啲歌」

選歌方面都是無綫最流行的劇集主題曲，例如《奮鬥》同《明日話今天》等等。他說：「我哋想玩啲Gimmick，同埋呢啲歌都入哂屋，而可能好多人都仲未識我，都起碼識咗啲歌先。」編曲方面會用類似《我是歌手》的感覺，希望觀眾感到不失情懷時，但又感覺到新鮮感。因為希望香港觀眾對他有所認識，所以專輯上全都是翻唱歌曲。Steve提到專輯花了九個月完成，當中遇到不少困難：「無綫版權比較難爭取，因為都係經典歌同埋要視乎邊個唱呢啲歌，邊間公司等等。加上呢隻碟係街度現場收音，所有器材都要勞師動眾去準備，希望用最短時間又做到最高質素嘅嘢。」他覺得現時內地同大中華有很多唱得之人，但同時認為香港還有很多臥虎藏龍：「希望話畀人知我都得喎，你哋應該都得啦。」

而Celine亦透露將於年尾推出唱片，將於年尾推出。Steve補充：「隻碟係For全球Fans，一定會唱英文，普通話同粵語。」而Celine自言未有因為忙唱歌而分散學業，Steve亦希望Celine平時能夠保持開心心情：「如果佢開心，會唱到歡樂出嚟，提升感染力。」而他教導Celine平日在校園都盡量低調，幸好在國際學校就讀，活動性比較多，不會跟其他學生與眾不同。除了唱歌，Celine還表示喜歡畫畫，彈琴和跟朋友玩耍，爸爸希望女兒有生活上的平衡，但主要都專注在音樂方面。

最後Steve希望推出唱片後能夠順勢舉行演唱會，去感動香港人的心：「我哋有個特別嘅Gimmick，但暫時唔透露住，想做啲第一次可以做到嘅嘢。」