東網電視
更多新聞短片
機師Quentin Smith日前記者會上自爆勇救陳國強！（美聯社）
1/3
本月10日挪威有直昇機發生意外，外國傳媒連日報道中僅指意外造成三名英國乘客受傷，今日驚爆其中一人為陳國強，52歲肇事機師Quentin Smith於意外發生後4日出席記者會交代事故詳情，更表示自己勇救好友Charles，英文名與陳國強相同，相信正為同一人，而另一傷者David就為著名華人律師鄧漢聲。
報道指直升機當日由蘇格蘭到挪威卑爾根，事發前越過峽灣，打算降落於一架價值2500萬英鎊（約1.94億港元）超级游艇之上，但游艇上寬鬆的防水篷布突然被直升機機葉的風力影響而捲起，捲入主旋翼令直升機失控，翻倒後墜海，Quentin後來激活直升機的緊急浮動浮囊，阻止它下沉造成嚴重傷亡，被外媒形容為英雄！
Quentin於記者會上講及事發時險象環生，明言：「我首要目的係唔好同隻船相撞，如果唔係後果係相當嚴重！第二樣係以非致命的方式降落呢架幾乎不受控的直升機，結果係做到嘅，最後一部分係撤離直升機，亦係一大挑戰！」
他表示當時直升機於水中慢慢下沉，自己逃出機外後發現兩個朋友仍未成功逃生：「我唔可以再等，我感覺到架直升機沉緊，我唔想架機同埋佢地一齊沉！」他表示自己即時返上直昇機，激活緊急浮動浮囊，阻止架機下沉：「（公司意見）教你出事後唔好上返機，但個人而言我從來唔相信（佢地）。」他明言幾經辛苦返入直升機，一度唔知自己做緊咩：「之後（好友）David出現，佢講到嘢同埋好似都Ok，我就再落返去睇，因為Charles（陳國強）未見影，我於黑暗中只係摸到隻手，我即時大力拉起，之後就拉起Charles！」兩度返直升機救好友的Quentin被封英雄，他表示事件係個意外，冇人需要負上責任。Quentin為著名機師，更為首個以直昇機穿梭北極與南極的人，為健力士世界紀錄保持者！
出事直升機。（美聯社）
Quentin Smith被外媒形容為英雄。（美聯社）
